2009年12月25日 星期五

2009聖誕快樂

因為今日聖誕節有人病.(腸胃炎)搞到個胃唔知點喎.加上我家女兒長大了.不再同我地過聖誕,.咁....今年沒有聖誕大餐了.不過話時話.點可以冇聖誕蛋糕.簡簡單單整左個 "聖誕老人與..........唔知狗狗定係鹿仔.哈哈."
DSC00214.jpg picture by conlysister

2009年12月17日 星期四

新舊曆(藍莓檸檬芝士凍餅)

呀囡投訴點解我今年唔係新舊曆同一日生日.佢老豆就同佢講咁未仲好.有幾多人會好似你咁連續兩日一齊生日.(因為尋日係舊曆.今日係新曆.)
又我家有女初長成.今年生日第一年唔同我地過.要同佢 d 朋友過.咁算喇,女大女細界.千祈唔好整多件餡返來唶.
因為今日呀囡唔係屋企食飯.咁尋晚就同佢出去食壽司.知道會食得好飽.所以就整左一個細細個既蛋糕.
DSC00204.jpg picture by conlysister
DSC00206.jpg picture by conlysister.個蛋糕最特別係個花邊.係用打起cream cheese,加入已融化的白朱古力拌勻(當然你喜歡乜野朱古力味都得.),入唧花袋,唧花圍邊.簡單得來.又唔使另外買 cream打.雖然唔係咁溶化.但....又係另一仲食法.
餅底材料
清蛋1一個
芝士餡料
忌廉芝士 250 克
糖           50克
魚膠粉    14克 (加小許糖攪勻.咁就唔會一舊舊.再加室溫水攪拌.放入微波爐叮一分鐘 )
水           60 ml 
淡忌廉    250 克
檸檬汁    三湯匙
檸檬青    小許
裝飾︰
藍莓醬   3湯匙
檸檬汁   小許
糖          (按自己喜好) 
蛋糕做法:
1﹞先將淡忌廉打起至企身
2﹞將糖及Cream Cheese打至軟身
3﹞加入檸檬汁三湯匙檸檬青小許輕力攪拌
4﹞加入已溶解魚膠粉,
5﹞已打起淡忌廉加入芝士餡中攪拌
6﹞將已經攪拌好的混合物倒入蛋糕模中, 再放雪櫃雪3個鐘
裝飾做法:
1﹞蛋糕甩模後.將已打起cream cheese,加入已融化的白朱古力拌勻(可以加其他味道朱古力.或白朱古力加小小 其他味道香油),入唧花袋,唧花圍邊。
2﹞把藍莓醬放上糕面
3﹞最後隨意把喜歡既水果放於蛋糕上

2009年11月30日 星期一

椰汁桂花...............蛋糕

過兩日係家姐舊曆生日.咁多年都冇同佢慶祝過.今年就同埋呀媽仲有成大班人一齊同佢慶祝.但講到送乜野禮品就冇喇.因為佢乜都有.而佢又唔至在我地 d 禮物.佢最至在就係呀媽親手俾既利是.佢一定當寶.我就親手整個蛋糕俾佢.但蛋糕又唔會到我送.左諗右諗就整個椰汁桂花糕俾佢.(因為上次整左 d 桂花榚俾佢.佢話好食.(按著個心講).)但又唔可以太普通.就一於搞下新意思.



2009年7月27日 星期一

香 滑 豆 腐 芝 士 丸

尋晚睇完肥媽教煮呢樣小食.我覺得真係好方便又容易.不過肥媽教用油炸.我就用半煎炸形式.搵個 大d 既平底穫.唔使太多油.將 豆 腐 芝 士 丸放晒落去(睇下你整左幾多).最緊要有空間俾佢地做滾來滾去就得.煎炸到你覺得熟就得.因為全部既野都係熟.不過.我就加左小小野,就係炸左既碎煙肉.睇下炸之前



2009年7月6日 星期一

水果奶酪

早幾日睇番開心大發現.教整水果奶酪.於是今日實行動工.整就好容易.牛奶 一公升.一大包棉花糖.(唔好一次過落晒.因為好鬼甜).自己喜歡既生果.將牛奶煮熱.(唔須要滾能夠溶倒 d 棉花糖就得.)落埋 d 棉花糖煮溶.待涼小小.倒入杯內.最後放上生果點綴.放入雪櫃雪三小時.搞點.


2009年7月3日 星期五

流沙芒果布甸


自從整完個沙心芒果凍餅之後.真係好鐘意上網搵食譜.今日又俾我見到呢個流沙芒果布甸.(又係芒果)




2009年6月24日 星期三

芒果撈河

繼之前整左芒果腸粉之後
20090507147.jpg picture by conlysister



2009年6月21日 星期日

是日父親節

父親節對我來講係有左小朋友之後先知係乜.因為我大約四歲既時候佢就死左.我只係隱約記得佢死個刻同呀媽攬住我同呀哥係處喊.既然我冇左父親.只記望屋企地兩件物體會記得.(因為實在唔係人人都有得同父親過父親節.)點知今朝食早餐時.佢兩件都以為係下星期.到下午我買完野回家再問佢地有冇同你講.老公話冇.咁我話下星期我唔煮架.講番今晚個餐先.



2009年6月14日 星期日

超鬆化牛油曲奇

經過上次整既玻璃曲奇.話過唔再整.整都係普通曲奇.但係又俾我係網上搵到個超鬆化牛油曲奇.於是乎更係唔放過佢喇,做左出來真係超鬆化. d 牛油同藍色罐曲奇一樣咁香咁鬆化.不過唔知點解唧左出來 d 花.本應都 ok 既.但焗完出來都係有 d "塔"左.睇下我已經跟佢咁雪多佢半個鐘.但都係"塔"左.而另一個係 "cup"出來既果醬曲奇.不過呢個曲奇係上次整玻璃曲奇做剩既.個樣都ok.但係食完個超鬆化曲奇之後再食呢個就發覺好硬.想知個食譜就睇佢喇.佢唧出來既花真係好靚.http://hk.myblog.yahoo.com/cherry-home/article?mid=384

2009年6月7日 星期日

玻璃曲奇

潮流興玩玻璃.係網上見人整過都好靚.今日自己終於"的"起心肝整黎食下.睇下靚幾靚喎.
DSC00055.jpg picture by conlysister
DSC00056.jpg picture by conlysister不過好睇唔好食.我都係整番我 d 普通曲奇算喇,

2009年5月30日 星期六

冰心粽

有見美心有冰心粽買.幾得意.但有人話唔好食.於是自己"的"起心肝整一d 出來試試.聽聞美心個 d 好似係用薯粉之類既物體做.所以我感覺唔好食.咁我就用左蒟蒻粉做.裡面 d 餡料就係芒果肉.(唉.都唔知點解咁鐘意用芒果)用埋奇異果.可以再多 d 睇
你喜歡食乜野餡料


2009年5月26日 星期二

芒果腸粉

我今日又手多多整左芒果河粉.做法一樣.只不過唔切條.就成塊去卷.
20090523160.jpg picture by conlysister
20090523164.jpg picture by conlysister材料一樣.



2009年5月20日 星期三

2009年2月16日 星期一

今日又手多多

整多幾件椰汁糕.不過係上面加多左 d 色.又幾得意.
20090207085.jpg