花蝴蝶芒果之士凍餅

.

為十幾年好同學而做嘅生日蛋糕‘‘‘花蝴蝶芒果之士凍餅。。食譜同做法。。。

透明部份：
荔枝味啫喱粉一盒
糖10g（可以不加）
魚膠粉一湯匙
滾水500ml
先將啫喱粉，糖，魚膠粉攪勻。。。加入滾水搞溶後放涼。。。
將三份一啫喱水倒入。。。放回雪櫃雪至凝固。。

蝴蝶部份：
三湯匙椰漿。。 加入半湯匙魚膠粉。。攪勻坐溶。。。少許椰漿。。加入少許食用色素。 。攪勻。。。倒入翻糖蝴蝶模具內。。放回雪櫃雪至凝固。。
取出啫喱。。。隨意加上蝴蝶後。。。再將餘下啫喱水倒入。。。放固雪櫃雪至凝固。。

花花部份：
細罐椰漿一罐（大約165ml）
糖10g
魚膠粉一湯匙
各色食用色素少許（可用天然色素）
將魚膠粉同糖攪勻。。。再加椰漿攪拌。。 坐溶。。。
將兩三湯匙椰漿。。加一至兩滴食用色素（深淺自己衡量加多減小）..攪勻。。就以做花。。。
至於黑色花蕊。。。就要用少許竹炭粉。。。加少許魚膠粉攪勻（我只用了四份一茶匙嘅...半匙份量）。。。10 ml 水搞勻坐溶。。。

詳細做法..→https://www.youtube.com/watch?v=Pgn65ticW_Y

芒果忌廉芝士做法：
淡忌廉 200ml
忌廉芝士 100G
糖30G(按自己喜好加減)
芒果啫喱粉 一盒
芒果汁180ml
做法:
將芒果汁加熱煮溶芒果啫喱粉..放涼備用....
先打淡忌廉...（最好將器皿先雪一個鐘。咁就好易打起）.打勻後放回雪櫃...
糖分三次加入忌廉芝士打勻後.....加入芒果啫喱汁拌勻..
再將淡忌廉拌入輕手攪勻....
可倒入花啫喱內.. 放回雪櫃雪至凝固... 用牙籤沿邊界開。反轉到出搞掂。。。

溫馨提示
以上份量....沒有特定一個模具...只是在家隨便找出透明膠盒用...因不想在家放太多六,七.八吋模.....
份量有剩餘...可做幾個細SIZE...芝士凍餅...如不夠份量...可加多塊清蛋糕...