2011年7月30日 星期六

芒果腸粉 第二擊















N年前整過.話說今日有幾個芒果係咁向我招手...於是咁就行埋去.拎起佢
睇睇聞一聞佢.嘩.............呢一兩年我都未弄碰過真正樹上熟嘅芒果.有香有甜....咁就即刻買佢返來.但就咁食好似有啲"晒"咗佢.於是諗番起N 年前整嘅芒果腸粉...整得黎食更係要錄低過程喇... 攝影師係我個女.......



材料;大椰漿一罐.
    無糖蒟蒻凍粉 30 g
    糖20g (可按個人喜好加多減小)
    芒果兩個.
    芒果茸或汁少許
蒟蒻粉加糖拌勻.椰漿煮滾, 加入已拌勻糖和蒟蒻粉, 搞至無粉粒, 熄火快手倒入平底器皿雪凍半小時後取出,(其實唔放入雪櫃都得因為都好快凝固)將芒果切成喜歡厚度放上面卷成腸粉.最後更係淋上最好味既芒果汁喇.正....




沒有留言: