西汁鳳皇卷

早排睇小儀嘅街坊廚神.教煮一個餸.就係西汁鳳重卷.咁就試吓新野.好簡單.因為樣樣都係街市買到.只要返家將啲墨魚膠釀入油炸鬼到就得.

材料有.:油炸鬼.一條.(睇你幾多人食)
             叉燒適量.(不過我唔落)
             墨魚膠.
             馬蹄適量(我都唔落)
             鹽、糖少許/(如果係街買已經有調味.可以不加)

汁料: 茄汁  2湯匙
         喼汁  1湯匙
         OK汁  1湯匙
        片糖  適量
         水  半碗 
         酒少許 
做法: 1) 將墨魚膠釀入油炸鬼.
          2)三勺油.油滾放下炸至金黃.(不過我用半煎炸.唔須要太多油.)
          3)將汁料煮滾後.放回鳳重卷回鍋,加少許油.炒三四下.上碟完工.

啲西汁都幾好味.下次試吓用酸甜汁,唔知會唔會更好味.