漢堡飽蛋糕

早幾日係網上見到有人整咗個漢堡飽蛋糕.於是.今日就做咗 一個.

材料簡單: 清蛋糕一個,士多啤梨、奇異果、芒果、 適量.白朱古力做生菜(加少許綠色色素). 甜忌廉.朱古力mousse
1)蛋糕-麵包皮
2)奇異果-青瓜
3)Cream-沙津醬
4)士多啤梨-番茄
5)白朱古力-生菜
6)朱古力mousse-漢堡扒
7)芒果-芝士
8)蛋糕-麵包皮
最後係蛋糕面頭加小小白朱古力碎做芝麻.

唔知呢個仲似唔似......

糯米酒

膽粗粗學人浸糯米酒.

睇吓個成果先.

七日之後,就係咁樣.耐心等待九個月.睇吓係唔係真係變黃酒先.

材料:糯米1斤(600g)、酒餅1粒(10g)、米酒適量。

 糯米用水浸泡1天後.用電飯煲煮成糯米飯.(我用蒸飯方法.)把糯米飯倒出，攤平放涼,把酒餅弄碎成粉，灑水少許撈勺糯米飯.再灑水少許在瓶底.再放上一層糯米飯，再灑一層酒餅，再放上飯，直至飯放完，把餘下酒餅全灑到飯上.用廚紙封在瓶口，輕蓋上蓋.不要蓋實.靜置大約3天，會看到瓶底有些水.大約7天後，加入米酒蓋過飯面，在瓶口換上另一張廚紙.，把瓶蓋旋緊，密封儲存，大約六至九個月，變為金黃色。即成黃酒.

等呀等,快啲九個月喇...............

西汁鳳皇卷

早排睇小儀嘅街坊廚神.教煮一個餸.就係西汁鳳重卷.咁就試吓新野.好簡單.因為樣樣都係街市買到.只要返家將啲墨魚膠釀入油炸鬼到就得.

艾條

今日家姐打電話叫我幫佢買艾條.我話而家唔知幾錢.佢話你睇喇.如果四蚊就同我買十枝八枝喇.如果十蚊就買住四條先.咁我就同佢買喇.去到藥房問幾錢.佢話三蚊條.即時買兩大盒.(傻架).即係二十條.早排都成四蚊喇.而家平咗仲唔入貨.