七色紫薯湯圓

係youtube有人講過。。用蒸方法去煮湯圓。。個色澤會靚啲。。實驗正明。。係靚啲。。如果唔係即時食。。例如食完飯至食。。就唔好放落糖水到。。如果唔係會淡咗色。。

材料：

糯米粉 200 g

木薯粉 20 g

菜油 15 g

糖 30 g

滾水 170 ml

天然色粉適量

現成紫薯餡

糯米粉,木薯粉同糖撈勻...加入滾水攪勻..加入菜油搓至光滑不黏手...取三份一粉團..搓成長條形...用保鮮紙包裹..保持濕潤...備用..

將餘下三份二搓勻成一團..

再預留三份一用保鮮紙包裹..保持濕潤..

其餘分開六份..加入不同天然色粉搓勻.

將所有粉團搓成長條形..梅花間竹排成...

最後..將最大白色粉團放上..

捲成..輕輕搓實..

取一舊...由頂部收口...

反轉另一邊...壓一小洞..

放入紫薯餡...收口..

蒸盆放上焗爐紙...掃少許食油..放上湯圓..

中火蒸八分鐘..(視乎湯圓大小。。要自己衡量)..

臨食時才加入桂花糖水...