花樣冰皮月餅

 個個都不一樣的冰皮月餅

冰皮:

糯米粉 25 g

粘米粉 25 g

麵粉 12.5 g

糖 20 g

椰漿 125 g

生油 2 湯匙

煉奶 1.5 湯匙

牛奶抹茶餡: 

牛奶 50 g 砂糖 6 g

抹茶粉 2 g(按自己喜好加減)

澄麵 3 g

飲用水 20 g

紅豆餡買現成的

抹茶餡做法:

先將糖同抹茶粉撈勻...加入牛奶最細火煮溶..慢慢加入澄麵水攪拌..(呢個時候開始..你想要流心..定軟心..就要按自己喜好加多減少澄麵水..)完成後..就可倒入冰模內..放入冰格雪一晚..

冰皮做法:

將所有材料攪勻..過篩兩次..倒入器皿..大火蒸十五分鐘..(以上時間只供參考..因每個人用器皿大細..厚薄不一..火路亦不一..想知熟未..用牙籤拮下..牙籤無黐粉就可)..蒸熟後..取出搓勻..放涼..分開八份..每舊 25 g..每舊加入不同天然色粉搓勻..餘下可加入不同天然色粉搓勻..放入雪櫃雪一晚..

現成紅豆餡..分開每舊 20 g..放入雪櫃雪一晚...

第二日..將己加色粉之餘下冰皮..隨意壓入翻糖模具內..脫模備用..

抹茶餡脫模..放入碗內..放在冰水上..保持冰凍..避免溶化..

紅豆餡取出搓圓..開一小洞..放入抹茶餡搓圓..放回雪櫃備用..

取出冰皮..搓勻壓平..包入紅豆餡..放入月餅模..壓出餅形..之後就可隨意放上花花..葉子..輕輕按壓就可以..