爽脆洛神花蜜餞

.

今年因為想整天然色素..所以買磅反來試試...當然..一磅係用唔晒..所以有啲拎咗黎煲水...因為我家公子唔係樣樣都飲..叫佢飲...就好似殺咗佢前世咁..所以只煲咗三碗...估唔到今次佢會飲..仲話好好飲..但叫我唔好成日煲..真係俾佢吹脹...但我就使出一招..我話呢啲唔係成日有..係呢啲天時至有...咁佢死死地話好喇..所以早兩日見二十蚊三磅咁低..仲唔買咩...當然..三磅煲水..真係有排飲...所以我就拎咗兩磅用來試整洛神花蜜餞...兩日之後試食真係爽脆好味...同四、五月做脆梅一樣咁好味...好囉...咁唔使等出年至有好野食..
食譜：
洛神花兩磅..
砂糖300G (按個人喜好加減)
鹽一湯匙
少許檸檬汁(可以不加)

到呢個時候....我喜歡第一次用暖水清洗先...好過直接用放落滾水氽水..因為驚氽過火...