自家製台式香腸..

屋企有包就過期嘅腸衣.........又聽聞呢幾日會吹北風同凍.....所以的起心肝整咗佢............做法跟佢http://blog.yahoo.com/_IBO7C5I2PCOMYMAHN3PFCYQFAM/articles/64940

將就過期嘅腸衣用凍滾水浸佢一個鐘...之後瀝乾...






將五花腩切粒後加入醃料.....放回雪櫃雪佢一晚....最好用篩隔住....隔去水份........(我自己覺得乾身啲冇咁易發霉)

將腸衣放少許麻油套入漏斗..



放入肉粒用快子慢慢篤入.........



慢慢將肉粒移到尾後......係尾段打個結....最後自己鐘意幾長就用綿繩綁住.(因為我冇買所以就咁打結)



睇吓我玩咗成個下午嘅成果...就係得個幾碌...........



有剩餘嘅腸衣唔好"晒".......將用剩餘啲腸衣綁住掛起.............



人就係咁衰...."又要馬兒好又想馬兒不吃草"....即係又要自己做又怕烏蠅褸.......為有用個魚湯袋袋住佢.....又可以通風又唔怕蛇蟲鼠蟻...........



再加多個洗衣袋加張報紙係底唔怕滴油.......掛係通風地方吹呀.....吹呀.....吹呀....
因為我冇網友嘅風乾機....所以我用呢幾日又凍又乾燥嘅日子吹多佢幾日.......過多幾日再睇吓成果.............

材料 :
五花腩  2斤         或  免治豬肉 一磅半

腸衣 約6尺長     或   豬粉腸一份 (有多的.)

調味料 :
高粮酒   1.5 湯匙(不可取代, 高酒精濃度有消毒作用)

紅麴粉 1/4 茶匙
甘草粉  1/2 茶匙 (搵唔到冇加)
五香粉  3/4 茶匙
白胡椒粉 1/2 湯匙
鹽   1.5 湯匙
花椒粉  1/4茶匙

薑粉    1/4茶匙
香蒜粉  1/4茶匙(不可以鮮蒜取代, 容易敗壞)
味精    1.5湯匙  (我用雞粉)
糖    90g

1. 豬肉切丁, 加入調味料撈勻, 用保鮮膜蓋好, 入冰箱冷藏一晚.
2. 腸衣用凍水浸軟(約一小時), 在腸衣內倒入一湯匙麻油, 讓麻油走行到整個腸衣, 用作令腸能容易套在漏斗外.
3. 腸衣套在漏斗外, 用筷子戳入肉餡, 全部灌好後用棉繩分段打結.
4. 用叉燒針(或牙簽)在腸上剌孔, 每段約四五針.
5. 用毛掃在腸衣上掃上高粮酒.
6. 排入在風乾機內, 用41度C風乾5小時. (或可用風扇吹數小時)
7. 取出, 如要保存, 先用白報紙(或叉燒紙/油紙)包好, 再入膠袋, 放入雪櫃冷凍.
8. 如要食用, 可先蒸或水煮15分鐘, 再用作燒烤, 炸, 或放入烤箱烤至金黃色即可.