新會柑..(果皮)

人年紀大始終都係唔記得啲野點做同整.就襯呀媽仲有記性..今年一於自己晒果皮.......呀媽話果皮一定要用新會柑....咁啲果皮一定香..煲起湯上來成間屋都香....,...有冇咁神奇..所以一於試試...

今日係街見到二十蚊三磅..都唔知平定貴...但我知一扎扎串起買個啲就成六十五扎.都幾貴....於是用咗三十蚊返來玩下....就好似呀媽話齋買返來一定要洗下先....因為而家太多農藥.....抺乾後開始操刀起皮拆肉....之後呀媽又話自己晒最好將白色個啲瓤刮去...咁第時啲果皮冇咁易發霉同埋快乾啲.....刮完就搵條鐡線申起佢.....白色向上咁至有太陽晒到......可以拎出去晒....但日落冇太陽就要拎番入屋...如果唔係打咗霧水就唔得......最小都要晒一星期....之後有太陽就繼續晒.冇就搵個鐡罐收起.(我就搵個乾淨嘅樽.唔驚佢生锈)......到有太陽又拎出來晒....就係咁不段重覆又重覆咁晒佢兩三年至有藥用價值..........