椰汁桂花...............蛋糕

過兩日係家姐舊曆生日.咁多年都冇同佢慶祝過.今年就同埋呀媽仲有成大班人一齊同佢慶祝.但講到送乜野禮品就冇喇.因為佢乜都有.而佢又唔至在我地 d 禮物.佢最至在就係呀媽親手俾既利是.佢一定當寶.我就親手整個蛋糕俾佢.但蛋糕又唔會到我送.左諗右諗就整個椰汁桂花糕俾佢.(因為上次整左 d 桂花榚俾佢.佢話好食.(按著個心講).)但又唔可以太普通.就一於搞下新意思.