七色螺紋粉

玩到冇野玩。。將銀針粉外形。。略為改改。。變咗螺紋粉。。加上天然蔬菜汁搓成。。

粘米粉 20 g

泰國生粉 8 g

滾水 30 ml

鹽 少許

油 4 ml

將粉類撈勻備用。。

滾水加鹽煮溶後。。先倒 20 ml 滾水用筷子攪勻。。用手感覺接受到熱力。。就用手搓成粉團。。如未能成團。。再逐少加入滾水搓成粉團。。

再加入油搓勻後。。分成數舊。。加入不同天然色粉搓勻。。切成一小粒粒。。搓成長條。。再用工具輕拉。。拉出花紋便可。。 放入滾水煮3-4分鐘撈起即過冷水後。。就可隨意放湯或炒。。

(如用三色甜椒。。睇大細個而定。。大就取半個。。細就一個紅色甜椒打汁。。隔渣。。煮滾。。先取 20 ml 即沖入粉內。。用筷子攪勻。。用手感覺接受到熱力。。就用手搓成粉團。。加入油搓勻後。。切成一小粒粒。。搓成長條。。再用工具輕拉。。拉出花紋便可。。 放入滾水煮3-4分鐘撈起即過冷水後。。就可隨意放湯或炒。。(紅色甜椒會搓出橙色粉團)。。 ) 其他做法一樣。。