椰汁桂花糕

名符其實..成個都係椰汁桂花糕..連透明部份都係桂花味...

透明部份：

熱水1000ml

魚膠粉4湯匙

糖300g(按自己喜好加減)

桂花香精1／2茶匙
少許熟油

花花部份：

椰漿65ml

魚膠粉1／2湯匙

糖20g(按自己喜好加減)

各色食用色素少許。。（可用天然色素）

椰汁糕部份：

熱水100ml

糖40g(按自己喜好加減)

魚膠粉14g

椰漿100ml

淡奶100ml

桂花糕部份：

乾桂花適量

透明部份做法：

將糖同魚膠粉攪勻。。。加入熱水攪溶。。放涼後。。加入桂花香精攪勻。。

模具掃一層薄薄地熟油。。(放便脫模)。。倒600ml落模具。。餘下留來做桂花糕。。放回雪櫃雪至凝固.至少雪四小時..(最好雪一晚更易做花)

雞仔做法:

上網搵圖。。唔一定雞仔。。你喜歡任何圖案都可以。。繪落焗爐紙。。之後反轉。。用少許食用色素繪番同一個圖案出來。。印落透明啫喱度。(記住要用食用色素個邊印)。確保印出圖案後。。撕走焗爐紙。。用椰漿加小小食用竹炭粉。。攪勻。。注入針筒。。可以慢慢唧落圖邊。。眼同嘴。。之後。。椰漿加少許黃色同紅色。。就可以填上面。。放回雪櫃雪至凝固。。

花花部份做法：

糖同魚膠粉攪勻。。加入椰漿坐溶。。分開數碗。。加入各食用色素攪勻。。放入熱水中坐住保溫。。

花花做法。。

如無工具。可自製。。https://youtu.be/2G-wxJIbXhI

椰汁糕做法：

糖同魚膠粉攪勻。。加入熱水攪溶。。攪勻後。。加入椰漿同淡奶攪勻。。放涼。。

桂花糕做法：

桂花去除雜質。。
之後略為沖洗。。將之前餘下桂花啫喱水。。加入桂花煮熱。。放涼。。

取出做好花花。。倒入椰漿。。放回雪櫃。雪至凝固。。再倒入桂花啫喱水。。放回雪櫃雪至凝固。。（可分層做出多層椰汁桂花糕）..