GELATINA-FLORAL (花之果凍)

到目前為止.我都唔知點叫佢.我只可以稱呼佢叫"花之果凍".今日我又整多左幾個.好個之前整個 d.真係工多藝術.





請勿盜取本人之影片或相片

今日我搞搞新意思

講真...第一次接觸呢個甜品.....真係無從入手...第一...自己唔識英文...第二..原來佢地唔係講英文...,原來係西班牙話....ಥ_ಥ..更難...又唔知透明部份係乜野...第一次睇真係以為佢地放朵真花落去....不過首要....要知透明部份是什麼先......搵呀搵......搵呀搵...都無頭緒........ノ(ಠ_ಠノ)....有日...多得好友提醒...原來有隻啫喱粉係透明...好就買盒試試...ƪ(◕ั.̮◕ั)ʃ...真的透明啊....好再搵第二原材料...要用乜野打入去呢....可惜...網上不多...只搵到一個...http://foro.univision.com/t5/Postres-y-Delicias/PASO-A-PASO-GELATINA-FLORAL-ROSA-ROJA-PUEDEN-PASAR/m-p/176405480...只知佢地用奶加色素....但我唔喜歡奶味..朵花又不夠明顯...於是..只好又自己想辦法..有日整開椰汁糕...⊙﹏⊙∥∣°..多謝靈感女神..╚(•⌂•)╝..試下用椰漿加糖加食用色素...ᕙ༼ຈل͜ຈ༽ᕗ...YEAH...成功了....好又要邁向做法前進...整呀整...打呀打...拮呀拮...（｀ー´）....終於有個似樣外形出場啦....好繼續努力ᕙ(⇀‸↼‶)ᕗ

呢兩張係第一次整正確名稱唔知點講.得個英文名Gelatina.... Artistica,不過人地整得好靚.我就岩岩至開始玩.但係都唔錯.想學整就跟佢地做.http://clipnabber.com/video/a5pmbPWoe_8-gelatina-artistica.html

2009聖誕快樂

因為今日聖誕節有人病.(腸胃炎)搞到個胃唔知點喎.加上我家女兒長大了.不再同我地過聖誕,.咁....今年沒有聖誕大餐了.不過話時話.點可以冇聖誕蛋糕.簡簡單單整左個 "聖誕老人與..........唔知狗狗定係鹿仔.哈哈."

新舊曆(藍莓檸檬芝士凍餅)

呀囡投訴點解我今年唔係新舊曆同一日生日.佢老豆就同佢講咁未仲好.有幾多人會好似你咁連續兩日一齊生日.(因為尋日係舊曆.今日係新曆.)

又我家有女初長成.今年生日第一年唔同我地過.要同佢 d 朋友過.咁算喇,女大女細界.千祈唔好整多件餡返來唶.

因為今日呀囡唔係屋企食飯.咁尋晚就同佢出去食壽司.知道會食得好飽.所以就整左一個細細個既蛋糕.

.個蛋糕最特別係個花邊.係用打起cream cheese，加入已融化的白朱古力拌勻(當然你喜歡乜野朱古力味都得.)，入唧花袋，唧花圍邊.簡單得來.又唔使另外買 cream打.雖然唔係咁溶化.但....又係另一仲食法.
餅底材料
清蛋1一個
芝士餡料
忌廉芝士 250 克
糖           50克
魚膠粉    14克 (加小許糖攪勻.咁就唔會一舊舊.再加室溫水攪拌.放入微波爐叮一分鐘 )
水           60 ml 
淡忌廉    250 克
檸檬汁    三湯匙
檸檬青    小許
裝飾︰
藍莓醬   3湯匙
檸檬汁   小許
糖          (按自己喜好) 
蛋糕做法：
1﹞先將淡忌廉打起至企身
2﹞將糖及Cream Cheese打至軟身
3﹞加入檸檬汁三湯匙檸檬青小許輕力攪拌
4﹞加入已溶解魚膠粉,
5﹞已打起淡忌廉加入芝士餡中攪拌
6﹞將已經攪拌好的混合物倒入蛋糕模中, 再放雪櫃雪3個鐘

裝飾做法：
1﹞蛋糕甩模後.將已打起cream cheese，加入已融化的白朱古力拌勻(可以加其他味道朱古力.或白朱古力加小小 其他味道香油)，入唧花袋，唧花圍邊。
2﹞把藍莓醬放上糕面
3﹞最後隨意把喜歡既水果放於蛋糕上

椰汁桂花...............蛋糕

過兩日係家姐舊曆生日.咁多年都冇同佢慶祝過.今年就同埋呀媽仲有成大班人一齊同佢慶祝.但講到送乜野禮品就冇喇.因為佢乜都有.而佢又唔至在我地 d 禮物.佢最至在就係呀媽親手俾既利是.佢一定當寶.我就親手整個蛋糕俾佢.但蛋糕又唔會到我送.左諗右諗就整個椰汁桂花糕俾佢.(因為上次整左 d 桂花榚俾佢.佢話好食.(按著個心講).)但又唔可以太普通.就一於搞下新意思.