2017年2月3日 星期五

杯中花..花花啫喱..

就嚟情人節啦。。除咗整朱古力同送花俾你另一半。。有冇諗過送啲特別又有花。。又唔係朱古力咁普通。。又可慳翻買花錢。。又唔駛同其他人一模一樣。不如動動手。。整一個另類甜品送比另一半啦。。























透明部份:
荔枝味啫喱粉一盒
魚膠粉一湯匙

滾水500ml
椰漿部份:
椰漿165ml
糖10g
魚膠粉8g
各色食用色素少許(可用天然色素)
做法:

先預備二個酒杯。。。再搵二個細個酒杯口嘅啫喱杯。。

























透明部份做法:
將啫喱粉同魚膠粉攪勻。。倒入滾水攪溶。。放涼。。倒入啫喱杯內。。放入雪櫃雪至凝固。。(最少雪四個鐘)..用四湯匙啫喱水。。加一小點。.(深淺自己加減)。紅色食用色素攪勻。。用一個心形模具。。先塗一層薄薄地嘅熟油。。(方便脫模)..倒入後放入雪櫃雪至凝固。。
椰漿部份做法:
將糖同魚膠粉撈勻。。先加少許椰漿攪勻。。之後。。全部倒入攪勻。。用熱水坐溶。。備用。。
取出紅色心心。。隨意放入酒杯內。。之後。。用小小陰力輕按。。將泡泡按出。。可倒入椰漿。。大約倒至過心心面。。(如圖中)..放回雪櫃雪至凝固。
花花做法:取出透明啫喱。。(如有花針工具可至直使用。。如沒有。。可用外買咖啡匙。。)用一至二湯匙椰漿。。加入少許食用色素攪勻。。就可以做花。.去片 👉👉https://youtu.be/tbT1kbi6vPQ
完成晒花花。。就可用溫水。。將啫喱杯放入。。輕燙一燙杯身。。再用牙籤沿邊轉一圈。。睇睇是否有小小溶。。有溶就可成個脫模。。
取出酒杯。。加一湯匙啫喱水落椰漿面。。就可放入花花。。再將餘下啫喱水倒入至花花面。。利用匙將側邊泡泡整出。。就可放入雪櫃雪至凝固。。完成。。

 

         
張貼留言